L-Għaqda Ġurnalisti Sports organizzat seminar dwar il-Mobile Journalism, ippreżentat mill-ġurnalista rinomata u esperta fil-midja, Mabrouka Khedir. Dan ġie organizzat biex jippromwovi avvanzi fit-tekniki tal-ġurnaliżmu bil-mobile. Għal dan is-seminar attendew diversi ġurnalisti sportii u professjonisti fil-midja, flimkien ma’ rappreżentanti minn diversi Assoċjazzjonijiet u Federazzjonijiet tal-isport lokali. Is-seminar offra għarfien siewi u diskussjonijiet prattiċi dwar il-ġurnaliżmu bil-mobile fl-ambjent tal-midja moderna u l-ħajja mgħaġġla tal-lum.

Mabrouka Khedir, ġurnalista ta’ suċċess u korrispondent internazzjonali, qasmet l-għarfien espert tagħha fil-ġurnaliżmu bil-mobile. Khedir taħdem mal-istazzjon Ġermaniż DW TV, u dak Franċiż TV5, kif ukoll għandha sfond qawwi fil-ġurnaliżmu ekoloġiku, imsaħħaħ mill-baċellerat fil-ġurnaliżmu u l-masters fid-Discourse Analysis. Fundatriċi tal-ewwel pjattaforma tal-ġurnaliżmu ekoloġiku fit-Tuneżija, COSMOS Media, u sid ta’ 4K Production.

Dawk li attendew kellhom l-opportunità jiddiskutu suġġetti bħal Mobile Storytelling, l-aħħar għodod għall-iffilmjar u l-editjar ta’ kontenut, u strateġiji għal rappurtar ta’ aħbarijiet bl-użu tal-mobile.

Dan is-seminar, li kien iffinanzjat mis-Small Initiatives Support Scheme, immexxi mill-Kunsill Malti għas-Settur tal-Volontarjat u appoġġjat mill-Ministeru għall-Inklużjoni u s-Settur tal-Volontarjat, kien opportunità ta’ tagħlim imprezzabbli għall-ġurnalisti u l-professjonisti tal-midja lokali. L-avveniment enfasizza l-importanza tal-użu tal-mobile fil-ġurnaliżmu u sabiex il-parteċipanti jagħmlu użu tajjeb mill-għodod teknoloġiċi speċjalment fil-ġurnaliżmu sportiv.

Fi tmiem is-seminar, il-parteċipanti ġew ippreżentati ċertifikat ta’ parteċipazzjoni mill-President tal-Għaqda Ġurnalisti Sport Clinton Buhagiar u s-Segretarju Ġenerali Lorraine Cunningham.

Ritratt: Mabrouka Khedir qed tintervista lill-President tal-Għaqda Ġurnalisti Sports Clinton Buhagiar bħala eżempju prattiku waqt is-seminar dwar il-Mobile Journalism.

Għal aktar informazzjoni dwar avvenimenti li ġejjin u rigward sħubija fl-Għaqda, jekk jogħġbok ikkuntattja:
L-Għaqda Ġurnalisti Sports
Email: info@maltasportsjournalists.com

Dwar l-Għaqda Ġurnalisti Sports (GħĠS)
L-GħĠS hija impenjata li tinkoraġixxi l-iżvilupp professjonali tal-ġurnaliżmu sportiv f’Malta billi tipprovdi aċċess għal riżorsi, taħriġ, u avvenimenti li jżommu lill-membri minn ta’ quddiem fl-avvanzi tal-industrija.