Għażliet Sportivi Nazzjonali

Kienu evidenti l-mumenti ta’ tensjoni imħallta ma’ dawk ta’ ferħ u sodisfazzjon fost l-atleti lokali u l-uffiċjali sportivi waqt it-tħabbira tal-ħames finalisti tal-kategoriji prinċipali tal-65 edizzjoni tal-Għażliet Sportivi Nazzjonali, li saret nhar it-Tnejn filgħaxija. It-tħabbira tal-finalisti saret fis-Sala taċ-Ċentinarju tal-Malta Football Association u s-semifinalisti kollha ngħataw ċertifikat ta’ tifkira. Din iċ-ċerimonja, li kellha xandira diretta fuq l-istazzjon TVM Sports+ kif ukoll il-midja soċjali, kienet indirizzata minn Clinton Buhagiar u Lorraine Cunningham, President u Segretarju Ġenerali tal-Għaqda Ġurnalisti Sport (GħĠS) rispettivament. Il-65 edizzjoni tal-Għazliet Sportivi Nazzjonali li se ssir nhar is-Sibt l-1 ta’ Marzu se tkun imxandra dirett fuq TVMsport+ u l-midja soċjali tal-GħĠS u se tkun qed tippremja rebbieħa fi tnax-il kategorija apparti li għal darb’oħra se jkunu qed jiġu introdotti membri ġodda fil-Hall of Fame. Bi pjaċir ninnutaw li waqt is-serata finali se jkollna 24 sport differenti rrappreżentat hekk kif għal din l-edizzjoni kellna nominazzjonijiet b’saħħithom minn ħafna [...]

Il-Kumitat Eżekuttiv tal-Għaqda Ġurnalisti Sport bi pjaċir iħabbar li l-votazzjoni tal-pubbliku għall-kategorija tal-People’s Choice Awards fil-65 edizzjoni tal-Għażliet Sportivi Nazzjonali hija miftuħa. Il-pubbliku ġenerali għandu 15-il ġurnata sas-SIbt l-1 ta’ Marzu 2025 f’nofsinhar sabiex jivvota. Għal darb’oħra, dan l-unur se jkun b’100% votazzjoni bl-SMS fuq in-numri li ġejjin: NEIL AGIUS (GĦAWM OPEN WATER) 5061 5031 SAM CASSAR (BADMINTON) 5061 5032 JAKE CASTALDI (POOL) - 5061 5033 GIANLUCA CHETCUTI (SPARAR TRAP) - 5061 5034 BRIAN CINI (SNOOKER) - 5061 5035 BRYAN CORLETT (RUGBY FOOTBALL UNION) - 5061 5036 RODNEY GATT (TIĠRIJIET TAŻ-ŻWIEMEL) - 5061 5037 KAYDEN LAGANÀ (BOWLING) - 5061 5038 FABIO SPITERI (TRIATHLON) - 5061 5039 TENISHIA THORNTON (WEIGHTLIFTING) - 5061 5040 Il-pubbliku jista’ jivvota kemm-il darba jrid b’kull SMS jiswa’ €0.58 ċenteżmu inkluż il-VAT. Is-serata finali tal-Għażliet Sportivi Nazzjonali se ssir nhar is-Sibt l-1 ta’ Marzu fil-Lukanda Westin Dragonara f’San Ġiljan u se tiġi trasmessa b’mod dirett fuq [...]