Għażliet Sportivi Nazzjonali (il-65 edizzjoni) – Jinfetaħ uffiċjalment il-proċess tan-nominazzjonijiet
Hekk kif resqin lejn tmiem is-sena, il-Kumitat Eżekuttiv tal-Għaqda Ġurnalisti Sports qiegħed iħabbar li fetaħ uffiċjalment il-proċess tan-nominazzjonijiet għall-edizzjoni tal-Għażliet Sportivi Nazzjonali tas-sena 2024. L-assoċjazzjonijiet u l-federazzjonijiet għadhom kif irċevew il-kommunikazzjoni uffiċjali u stedina sabiex huma jinnominaw lill-atleti tagħhom fil-kategoriji stabbiliti li huma: L-Isportiv u l-Isportiva tas-Sena Iż-Żagħżugħ u ż-Żagħżugħa tas-Sena Il-Kowċ tas-Sena L-Uffiċjal tas-Sena It-Team tas-Sena Unuri oħra li jingħataw kull sena huma: Rikonoxximent lill-atleti ta' Special Olympics (Raġel u Mara) L-Avveniment Internazzjonali organizzat f'Malta Sport for Social Change Award People's Choice Award In-Nominazzjonijiet jagħlqu l-Erbgħa 8 ta' Jannar 2025 f'nofsinhar, bis-serata ta' premjazzjoni mistennija ssir is-Sibt 1 ta' Marzu 2025. Għal din is-sena wkoll l-Għażliet Sportivi Nazzjonali se jkunu organizzati mill-Għaqda Ġurnalisti Sports u bil-għajnuna tal-Ministeru għall-Edukazzjoni, Sport, Żgħażagħ, Riċerka u Innovazzjoni. Aktar informazzjoni dwar il-proċess ta' nominazzjoni u r-regolamenti tista' tinkiseb minn fuq is-sit elettroniku tal-Għaqda Ġurnalisti Sports: https://www.maltasportsjournalists.com/ghazliet-sportivi-nazzjonali-rules-regulations-regolamenti/
