Home Page

Wara li tħabbru l-finalisti tas-seba’ kateogoriji prinċipali għall-edizzjoni ta’ din is-sena ta’ SportMalta Awards L-Għażliet Sportivi Nazzjonali, tħabbru wkoll il-finalisti tal-People’s Choice Award. Il-voti sabiex jintgħażel ir-rebbieħ/a tal-People's Choice Award se jkunu magħmulin minn 40% mingħand il-pubbliku fuq l-email info@sportmalta.org.mt, 40% mill-ġurija u 20% mingħand l-assoċjazzjonijiet u l-federazzjonijiet sportivi. Il-pubbliku jista’ jibgħat mhux aktar minn darba minn fuq l-istess email address. Il-finalisti huma dawn: PEOPLE’S CHOICE AWARD Tenishia Thornton (Weightlifting) Anthony Farrugia (Water Polo) Fabio Spiteri (Triathlon) Tara Vella Clark (Ġinnastika) Tim Nazzjonali tan-Nisa (Malta Volleyball Association) Lijana Sultana (Squash) It-63 edizzjoni ta’ SportMalta Awards Għażliet Sportivi Nazzjonali se ssir nhar is-Sibt 25 ta’ Frar fis-Sala Sir Temi Zammit, fl-Univeristà ta’ Malta, b’xandira diretta fuq TVM Sport+ li tibda fit-tmienja ta’ filgħaxija bir-Red Carpet u tkompli bis-Serata Finali.

Tħabbru l-finalisti tal-edizzjoni ta’ din is-sena ta’ SportMalta Awards L-Għażliet Sportivi Nazzjonali li se jirrikonoxxu l-kisbiet sportivi tas-sena 2022. Il-ġurnalisti membri tal-Għaqda Ġurnalisti Sport li vvutaw kienu jammontaw għal 59 sabiex issa tħabbru s-sitt finalisti għal kull kategorija. Waqt is-serata se jingħataw ukoll żewġ rikonoxximenti għall-aħjar żewġ atleti ta’ Special Olympics Malta u l-unur tal-Attività Internazzjonali tas-Sena, b’dan tal-aħħar fuq l-għażla tal-Kumitat Eżekuttiv tal-Għaqda Ġurnalisti Sports. Jingħata wkoll il-People’s Choice Award, bis-sehem tal-pubbliku ġenerali. Intant f’konferenza stampa li saret fis-Sala Teddie Borg fil-Kumpless Sportiv ta' SportMalta fil-Kottonera u li xxandret diretta fuq il-midja soċjali, il-President tal-Għaqda Ġurnalisti Sports Sandro Micallef qal li jinsab sodisfatt bil-parteċipazzjoni tal-membri fil-proċess ta’ votazzjoni u jittama li l-għażla finali tkun tirrifletti verament il-kisbiet tal-atleti, kowċis, tims u uffiċjali tul is-sena 2022. Micallef irrimarka li għas-serata finali se jkun hawn bħala mistiedna internazzjonali il-Membru tal-Eżekuttiv tal-AIPS Europe u President tal-Għaqda tal-Ġurnalisti [...]